婚宴場地

場地方面, 我地主要選擇油尖旺, 因為交通比較方便~~
開頭我地諗住會擺11-12圍, 要搵D細場
但原來搵細場都唔易, 因為唔係好多地方, 同有期...
以下係其中一D我地行過而又有影相的地方

佐敦逸東酒店--佐敦廳
設計比較中式, 樓底唔算高
可以擺到11圍, 但擺唔到台
如果要擺台, 就要減兩圍先夠位, 但我地又冇9圍咁少
另外, 我地想擺酒時做埋註冊儀式,
如果冇個台, 會變左同賓客平排咁, 坐得後果D可能會睇唔到wor..

佐敦聯邦酒樓
中式禮堂, 啡黃金做主色
一入到去都唔覺得金碧輝煌
只覺得唔夠光猛, 裝修又好似好陳舊, 好娘咁

 

尖沙咀潮廷滙
有個大柱位, 所以覺得個場好似'S' 形咁, 怪怪的

佐敦彩福皇宴
樓底高, 冇柱位, 又有紫色地毯, 水晶燈 and 城堡做background,
完全有晒我地鐘意ge 原素

新娘房望落都幾企理

 

簽到枱有個玻璃蓋蓋住, 開頭以為用時可以攞開的, 但原來係set 實左的
簽名時就係玻璃上面簽... 咁咪decorate 唔到張枱law...

我地仲睇過尖沙咀、銅鑼灣、鑽石山等酒店、酒樓, 不過果D就冇特別影相喇
本身一直都想係酒店搞, 奈何冇期又太貴, 唯有放棄...
所以我地最終book 左佐敦彩福皇宴, 大日子就係12 Nov 2013

(但到左2012年尾, 就聽到佐敦彩福果度要重建的消息, 只會做到2013年11月尾!
暫無影響我地ge,不過唔知佢地就黎做完時, D員工會唔會仲有好好的態度呢?
希望到時一切順利啦)